Sunday, 8 July 2018

ஐபிஎஸ் தேர்வில் 122 பேரில் 119 பேர் தோல்வி

*ஐதராபாத் தேசிய போலீஸ் அகாடமியில் 2016 ம் ஆண்டு குழுவைச் சேர்ந்த அதிகாரிகளுக்கு
அடிப்படை தேர்வுகள் சமீபத்தில் நடத்தப்பட்டது*

*ஐபிஎஸ் அதிகாரிகளுக்கான இந்த தேர்வில், 122 பேரில் 119 பேர் ,ஒன்று அல்லது அதற்கு மேற்பட்ட தேர்வுகளில் தோல்வி அடைந்துள்ளனர்*

*136 அதிகாரிகள் அடங்கிய இந்த குழுவில் 14 பேர் வெளிநாட்டு போலீஸ் படையை சேர்ந்தவர்கள்*

 *தேர்வில் தோல்வி அடைந்த அதிகாரிகளுக்கு ஒவ்வொரு பாடத்திலும் தேர்ச்சி பெற 3 வாய்ப்புக்கள் அளிக்கப்படும்*

 *ஒருவேளை 3 வாய்ப்புக்களிலும் அவர்களால் அந்த பாடங்களில் தேர்ச்சி பெற முடியவில்லை என்றால், அந்த அதிகாரி தனது பணியை தொடர முடியாது*

*இது வரை ஐபிஎஸ் பட்டம் பெற்ற அதிகாரிகளில் 90 சதவீதம் பேர் சட்ட-ஒழுங்கு மற்றும் உள்துறை பாதுகாப்பு தேர்வுகளிலேயே தோல்வி அடைந்தவர்கள் என தெரிவிக்கப்பட்டுள்ளது*

*தற்போது தேர்வில் தோல்வி அடைந்த அதிகாரிகளில் பலர் இந்திய குற்றவியல் சட்டம் மற்றும் குற்றவியல் நடைமுறை பிரிவுக்கான பாடங்களிலேயே தோல்வி அடைந்துள்ளனர்*

 *ஐபிஎஸ் பட்டம் பெறுவதற்கான இந்த தேர்வில் தோல்வி அடைந்தவர்களில் பலர் கடந்த ஆண்டு அக்டோபர் மாதம் மத்திய அமைச்சர் ராஜ்நாத் சிங் கைகளால் பதக்கமும், கோப்பைகளும் பெற்றவர்கள் என்பது குறிப்பிடத்தக்கது*

No comments:

Post a Comment