Friday, 18 May 2018

உருவானது ‘சாகர்’ புயல்.. மீனவர்களுக்கு எச்சரிக்கை….தமிழ்நாடுக்கு என்ன பாதிப்பு?


அரபிக் கடலில் ஏடன் வளைகுடா பகுதியில் நிலைகொண்டிருந்த காற்றழுத்த தாழ்வு மண்டலம் ‘சாகர்’ புயலாக மாறியுள்ளது. இதன் காரணமாக மீனவர்கள் தென் மேற்கு கடல் பகுதியில் மீன் பிடிக்கச் செல்ல வேண்டாம் என  சென்னை வானிலை ஆய்வு மையம் எச்சரித்துள்ளது.
இது தொடர்பாக சென்னை வானிலை ஆய்வு மைய இயக்குநர் எஸ்.பாலசந்திரன், செய்தியாளர்களிடம் நேற்று கூறியதாவது:
'அரபிக் கடலில் ஏடன் வளைகுடா பகுதியில் நிலைகொண்டிருந்த குறைந்த காற்றழுத்த தாழ்வு மண்டலம் வலுப்பெற்று தற்போது புயலாக மாறியுள்ளது. இப்புயலுக்கு ‘சாகர்’ என பெயரிடப்பட்டுள்ளது. இந்தப் புயல், ஏமன் நாட்டுக்கு கிழக்கே சுமார் 400 கி.மீ. தொலைவில் நிலைகொண்டுள்ளது. .
எனவே, அடுத்து வரும் 2 நாட்களுக்கு மீனவர்கள் தென்மேற்கு அரபிக் கடலில் ஏடன் வளை குடாவை ஒட்டியுள்ள பகுதிகளுக்கு மீன் பிடிக்கச் செல்ல வேண்டாம் என அறிவுறுத்தப்படுகிறது. ‘சாகர்’ புயலால் தமிழகத்துக்கு மழை வாய்ப்பு ஏதுமில்லை. எனினும், அடுத்த 24 மணி நேரத்தில் த,மிழகம், புதுச்சேரியில் ஓரிரு இடங்களில் வெப்பச் சலனம் காரணமாக இடியுடன் கோடை மழை பெய்யக்கூடும்.

வியாழக்கிழமை காலை 8.30 மணியுடன் நிறைவடைந்த 24 மணி நேரத்தில் புதுக்கோட்டை மாவட்டம் பெருங்களூர், விருதுநகர் மாவட்டம் சாத்தூர் ஆகிய இடங்களில் தலா 5 செ.மீ., தருமபுரி, சேலம் மாவட்டம் வாழப்பாடி, தேனி மாவட்டம் ஆண்டிப்பட்டி ஆகிய இடங்களில் தலா 4 செ.மீ. மழை பதிவாகியுள்ளது.

No comments:

Post a Comment